ATTR-амилоидоз ATTR-амилоидоз аутосомды-доминантты жолмен тұқым қуалайтын отбасылық ауру болып табылады. Преальбумин молекуласының компоненті — транстерритин ізашар-нәруыз болып табылады.
Клиникасы үдемелі нейропатиямен, жүректің, бүйректің және басқа мүшелердің зақымдалуымен сипатталады. Сондай-ақ, ATTR-амилоидозға қарттық жүйелі амилоидоз жатады, ол жас ұлғаюына байланысты транстерритиннің өзгеріске ұшырауының салдарынан 70 жастан кейін дамиды.
Емі — бауыр трансплантациясы. β2 М-амилоидоз Жүйелі амилоидоздарға гемодиализдегі науқастарда дамитын β2 М-амилоидозы жатады. Қалыптыда бүйрек шумақтарында сүзілетін β2 М, БСЖ-мен науқастарда жинақтала бастап, диализде ол өте жоғары деңгейге жетеді. Диализдік процедура жүргізгенде β2 микроглобулин шықпай қалады, бұл диализ бастағаннан кейін 7 жыл немесе одан ұзақ уақыт өткеннен кейін амилидоздың дамуына әкеледі. β2 М-амилоидоздың клиникасында сүйектің (амилоидтан тұратын сүйектік кисталар) және периартикулярлық тіндердің, сирек қан тамырларының зақымдалуының белгілері басым түседі. Карпалды туннель синдромы жиі кездеседі.
